CISek argitaratutako Cuadernos Metodológicos bildumak Unibertsitateko Sari Nazionala jaso du.
Madrid, 09 iraila 2010
Noticia
Unibertsitate edizioko XIII. Sari Nazionalak
Epaimahai independente batek aukeratu ditu 2009an argitaratutako unibertsitateko libururik onenak
Hurrengo hauek osatzen dute epaimahaia:
- Rogelio Blanco, Liburu, Artxibo eta Liburutegietako zuzendari nagusia
- Magdalena Vinent, CEDROko zuzendari nagusia
- Francisco Moreno, Instituto Cervantes institutuko ikasketa-zuzendaria
- Antonio Maria Ávila, Federación del Gremio de Editores de España federazioko zuzendari exekutiboa
- Blanca Berasategui, El Cultural aldizkariko (El Mundo) zuzendaria
- Laura Revuelta, ABCD las Artes y las Letras-eko (ABC) erredaktore-burua
- Winston Manrique, Babelia-ko liburuen (El País) arduraduna
Deialdi honetan parte hartu duten ehunka libururen artean, hurrengo hauek aukeratu dira:
- Pioneros del Graffiti en España (Valentziako Unibertsitate Politeknikoa). Ondoen argitaratutako lanarentzako saria. Epaimahaiak hauxe azpimarratu du: "dokumentu eta gai berrien sendotasun handia duen diseinu moderno eta ausarta du, oso eduki egokiak izateaz gain".
- Antonio de Guevara y Europa (Salamancako Unibertsitateko Argitalpenak). Gizarte Zientzien eta Naturaren alorretako monografiarik onenarentzako saria. Epaimahaiaren arabera, "Errenazimenduko egile espainiar horri buruzko lan sakona da. Egile horren lanak izugarrizko eragina izan zuen Espainiako zein Europako pentsamenduan".
- Captura y almacenamiento de CO2. Criterios y metodología para evaluar la idoneidad de una estructura geológica como almacén de CO2 (Huelvako Unibertsitatea). Zientzia Esperientzien eta Teknologikoen alorretako monografiarik onenarentzako saria. Epaimahaiaren aburuz, "ingurumen-ikerketetarako ekarpen interesgarria da". "Garapen ekonomikoaren eta erregai fosilen etengabeko kontsumoaren aurrean, eta ondoriozko CO2 pilaketa dela eta, klima aldaketarekiko kezka gero eta handiagoa da. Liburu honek gaurkotasun handiko gaiari heltzen dio eta CO2 isurketak gutxitzen lagunduko luketen eredu teknologiko ezberdinak azaltzen ditu", gehitu du.
- Tuberculosis. Historia de su conocimiento (Oviedoko Unibertsitatea). Osasun Zientzien alorretako monografiarik onenarentzako saria. Epaimahaiak gai horrekiko duen iritziz, "kasu honetan esperientzia handia duen aditu batek burututako berrikuste historikoa behar zuen. Medikuntzako historiaren ikerketako zorroztasuna azpimarratzen da".
- Suna e Xara. La ley de los mudéjares valencianos (siglos XIII-XV) (Jaume I Unibertsitatea). Gizarte Juridikoen eta Ekonomikoen alorretako monografiarik onenarentzako saria. Epaimahaiaren iritziz, lan horrek "ikerketa berrietan ohikoak ez diren alor juridikoak aztertzen ditu" eta ekarpen garrantzitsu bat egiten dio "Zuzenbidearen historiari, Valentziako antzinako erreinuan mudejarrek izan zuten egonaldi luze eta nabarmenagatik". Halaber, "bere argitalpen bikaina, zehaztasuna eta gehigarri grafiko aberatsa" azpimarratu ditu.
- Cuadernos Metodológicos (Centro de Investigaciones Sociológicas). Bildumarik onenarentzako saria, "mundu hispanikoko metodologia soziologikoaren bildumarik garrantzitsuena" dela uste baita. "Egileen fidagarritasunak eta argitaratutako izenburuen arteko lotura zabalak erreferentziazko bilduma bihurtu dute esparru hispanikoko soziologoen trebakuntzan", gaineratu du.
- Diálogo de doctrina cristiana (Biblioteca de Autores Cristianos eta Urrutiko Hezkuntzarako Unibertsitate Nazionala). Argitaletxe pribatu batekin egindako argitalpenik onenarentzako saria. Epaimahaiaren arabera, "testu handi baten berreskurapena, dialogistika espainiarraren funtsezko lana eta Europako kristautasunaren azterketako klasiko bat da". "Lanaren egileek trebakuntza historikoan, filosofikoan eta teologikoan duten sendotasunak tresna kritiko zehatza bermatzen duela" ere adierazi zuen.
- Historia de las plantas en el mundo antiguo (Deustuko Unibertsitatea eta Zientzia Ikerketarako Goi Kontseilua). Unibertsitateen arteko baterako argitalpenik onenarentzako saria; epaimahaiaren arabera, "unibertsitateko zentro baten eta ikerketarako beste baten arteko lankidetzaren adibide bikaina da, eta zenbait jenderen artean zabaltzen da, irudi eta testu bidez, aurkezpen on eta zaindu batean, Antzinaroko landareen erabilera eta antzinako literaturan izan duen eragina".
- El Cantar de los Cantares en el humanismo español (Huelvako Unibertsitatea). Itzulpen onenarentzako saria, "hebraitar Erdi Arotik, itzulpen-ahalegin handia izan delako, batez ere, Kantarik Ederrenean eragina izan duten iturrien tratamenduan, eta azterketa monografikoan izan duten integrazio egokiagatik".
Epaimahaiak hutsik utzi du argitalpen digital eta multimediazkorik onenarentzako saria, eta "informazioaren eta komunikazioaren teknologiek gure eskura jartzen dituzten baliabideak modurik sortzaileenean erabiltzen diren materialak dituzten argitalpenik ez egotearen kezka" azaldu du.
91 381 61 31; 654 99 18 62