A colección Opiniones y Actitudes comeza a editarse en formato electrónico. Os seus novos títulos poderán descargarse de forma totalmente gratuíta.
Madrid, 28 xuño 2010
Noticia
O CIS ofrece o acceso e a descarga gratuíta dos novos títulos da colección Opiniones y Actitudes. Esta descarga pode realizarse tanto en ordenadores persoais coma en dispositivos de lectura electrónicos, sen custo adicional ningún. Con este fin, desenvolvéronse tres formatos electrónicos: pdf accesible (pensado para que calquera usuario, independentemente das súas capacidades físicas e usando os dispositivos axeitados, poida ler o libro dende o seu ordenador); e dous formatos adaptados a distintos dispositivos de lectura electrónicos: pdf para e-readers e e-pub para todo tipo de dispositivos electrónicos e smartphones.
Formatos de descarga existentes:
- pdf accesible
- pdf para e-readers
- e-pub para calquera dispositivo electrónico e smartphones
Para os que queiran adquirir o libro en papel, os próximos títulos tamén están dispoñibles na modalidade de "impresión baixo demanda", de modo que o lector que prefira ter o exemplar físico poderá compralo solicitando en liña a impresión deste a través da nosa páxina web.
Para comprar a edición en papel, pulse na imaxe do título que lle interese; iso levarao a unha plataforma de impresión baixo demanda dende a que poderá adquirir o libro.